BlankPaperz Short Piece Contest longlist
The kind world wey I dey, nobody wants to be true to anybody. Imagine my roommate wey be confirm Christian for house come school come become runs girl and she still dey post church programmes for WhatsApp.
The world just full with fake people. Person wey soak garri yesterday go dey talk say na shawarma hin chop. Person wey no get shishi for account go dey talk say hin get millions. Person wey borrow clothes wear go dey shakara for the person wey wear hin poor clothes. Even the person wey never make any dime from copywriting sef go dey gather people, collect their money say hin wan teach them how to make billions as copywriters. Make person tell me, where we dey go sef?
The person I go love be na the person wey true. The person wey no dey ashame of hin present condition but wey dey eager to become better. Person wey no hide hin real self. The person wey no live fake life.
Make person no me as Toyosi for house and the same Toyosi for school. The real me na the person wey I go love be!!!
My name is Toyosi H. Falese. A native of Ile-Oluji, Ondo State. I had completed a National Diploma in Science Laboratory Technology at the Federal Polytechnic, Ile-Oluji, Ondo State with distinction. I am an aspiring copywriter and public speaker
Social media handle: Omojesu Toyosi Falese
BlankPaperz(https://www.blankpaperz.com)